VUNJA MIPAKA YAKO-BREAK YOUR LIMITATIONS

NAMNA YA KUVUNJA MIPAKA YAKO-BREAKING YOUR LIMITATIONS

                         Na MWAL.CHAVALA PM EZEKIA.

Utangulizi.

Mipaka ni moja kati ya vitu vya muhimu sana maana inatusaidia kujua tunaishia wapi,na vinakupatia nidhamu ya kujua mwisho wa uhuru wako.

 Lakini kitu kibaya sana kuhusu mipaka hasa katika ulimwengu wa kujiongeza uwezo wako,nguvu zako,na thamani yako katika kile unachokifanya mipaka huwa inatudidimiza sana na wakati mwingine inatufanya tubaki eneo moja kwa muda mrefu sana.

Katika makala hii nataka nikueleze njia /kanuni/mbinu za kuweza kuivunja mipaka ya pale ulipoishia ili uweze kupiga hatua mbele zaidi ya mipaka yako[limitations]

Sasa kabla hatujaanza kuziangalia hizo mbinu nataka nikuweke sawa katika eneo lako la bahati na sibu!

Mtu yeyote anao uwezo wa kufanikiwa zaidi ya mipaka yake.hakuna aliyezaliwa akiwa tayari ana mafanikio na hakuna aliyezaliwa akiwa masikini

Muhubiri 9;11d

‘‘………………Lakini wakati na bahati huwapata wote’’

Sasa katika hili nataka nikutoe katika ile tafsiri inayokusumbua na kukuona ujione kuwa hauwezi kufanya kitu Fulani.

Hata kama umezaliwa katika mazingira magumu kiasi gani ,bado unayo nafasi ya kufanya mambo makubwa na kuvunja mipaka yako .

                      KANUNI ZA KUVUNJA MIPAKA

1.KANUNI YA KWANZA

 TENGENEZA FURSA ZA KWAKO

Kuna kitu kinachokutofautisha wewe ,mimi pamoja na Yule

Kitu hicho huwa ni zile fursa tunazozipata na kuzitumia.kwa kawaida fursa huvutia neema.

‘Mariamu aliweza kupitishiwa kumzaa Yesu kwa sababu alikuwa amejitengenezea Fursa’

Fursa ya Mariamu ilikuwa ni KUWA BIKIRA yaani kujitunza

Mathayo 1;23

‘Tazama bikira atachukua mimba naye atazaa mwana,nao watamwita jina lake YESU,[Emmanueli]’

Sitaki tugombane na watu hapa,ila natamani nikuoneshe kuwa fursa unazoweza kujitengenezea ,zinauwezo wa kubadili kabisa historia ya maisha yako.kuna fursa ambayo Mariamu aliitengeneza yeye mwenyewe ila matokeo yake ikaja kuvunja mipaka yake akawa mama wa Yesu

Tafuta BIKIRA YAKO eneo ambalo halijaguswa na mtu anza kufanyia kazi ,utaona mafanikio makubwa,usitumie vitu vya watu tu,buni vya kwako pia.

·         Biashara wasiyoifanya wengi

·         Mazingira wasiyoyapita wengi

·         Ubunifu usiogundulika kwa wengi

Haya ni baadhi ya maeneo yenye ubikira ambayo yanauwezekano mkubwa wa kukufanya uvunje mipaka yako!

2.KANUNI YA PILI

KULA TAARIFA SAHIHI[CHAKULA SAHIHI]

‘‘UNACHOKULA NDICHO KINACHOKUTENGENEZA VILE ULIVYO’’

[kula taarifa sahihi].

Bila shaka wote tunajua matokeo ya kuwa kibonge ni kwa sababu unakula aina Fulani ya vyakula na kama sio hivyo basi umerithi kutokana na genes[vinasaba] vya wazazi wako

Sasa aina ya taarifa zinazokuzunguka ,kama zinaelezea kushindwa shindwa tu ndugu yangu muda sio mrefu utajikuta na wewe umekuwa mshindwaji wa kila kitu

Na kama utazungukwa na taarifa zenye ushindi ushindi na watu watakaokuzunguka watakuwa wenye akili zenye mitazamo chanya ,wala haitakuchukua muda kuweza kuvunja mipaka yako

Hata taarifa unazozisoma pia zinazokuingia zina mchango mkubwa sana katika kukufanya vile ulivyo leo

Hivyo ulivyo leo ni matokeo tu ya taarifa ulizonazo kichwani kwako

Ningekushauri sana jitengenezee jamii ya watu wenye mtazamo chanya kuhusu maisha maana watakulisha taarifa chanya zitakazosababisha uweze kuvunja mipaka yako.

‘‘Mithali 18;21’’

‘‘Kimtokacho mtu ndicho kilichoujaza moyo wake’’

3.KANUNI YA TATU

BORESHA HUDUMA YAKO.

Naomba nikupatie mfano huu

Siku moja nilikuwa natafuta suti kwaajili ya kuvaa siku ya harusi yangu

Nilizunguka sana katika maduka mbalimbali ya POSTA pamoja na Kinodoni,cha kushangaza kila Duka nililopita suti zilikuwa nzuri sana ila tatizo ilikuwa ni bei kubwa sana ,suti iliuzwa laki tano,laki nne na nusu na kuendelea….

Baada ya muda nikaamua niangalie na Kariakoo pale ,nikaikuta moja tena yenye nembo moja na ile ya Kindondoni na Posta ,na hata size ilikuwa ni moja lakini hapa Kariakoo ilikuwa inauzwa shilingi laki moja na elfu hamsini

Nilichogundua ,ubora wa huduma na mazingira ambayo suti zile ziliwekwa na kupangwa ndio ambao ulivunja mipaka ya bei za kawaida za zile suti

Sasa kila kitu unachokifanya kama ukiboresha mazingira ya ufanyaji ni lazima kitakufanya uvunje mipaka yako

Hata bidhaa ina uwezo wa kukulipa zaidi ya vile ulivyotegemea kama utaitengenezea mazingira bora

Hujawahi kusikia waswahili wanasema

‘‘CHEMA CHAJIUZA NA KIBAYA CHA JITEMBEZA?’’

·         Shida siyo biashara unayoifanya ,shida ni je umeiboresha kwa kiwango gani?

·         Shida siyo kazi yako,ila shida ni je unaipenda na kuitengenezea mazingira ya kuwavutia wateja kwa kiwango gani?

JEUKIFANYA VEMA HAUTAPATA KIBALI????????

KWA LUGHA NYINYINE

JE UKIFANYA KWA UBORA HAUVUNJA MIPAKA YAKO??????

Kuna uhusiano mkubwa sana kati ya kufanya vema na kupata kibali au kuvunja mipaka yako

MWANZO 4;7a

Kufanya vyema lazima utapata kibali tu .

4.KANUNI YA NNE

GUSA MAISHA YA WATU

Naomba nikuhakikishie kwa asilimia zote 100,ukitaka kuvunja mipaka yako yoyote ile ,fanya kitu ambacho kitagusa maisha ya watu moja kwa moja

·         Utavunja mipaka ya umri wako wa kuishi kama Dorkasi

Matendo 9;36-42

·         Utaongeza thamani ya maisha yako mbele ya Potifa kama Yusufu

·         Utaongeza uthamani wako kwa jamii yako kama Daudi

1samweli 17;34

Biashara yeyote ile utakayoifanya ikagusa maisha na matatizo ya watu ni lazima itakuletea matokeo makubwa ambayo yatavunja mipaka ya maisha yako.

5.KANUNI YA TANO.

ONGEZA UWEZO WAKO.

Ili uweze kuvunja mipaka yako[limitations]hakikisha unatumia nguvu kubwa zaidi kuliko zile ulizozitumia awali

Mfano kama wewe ukitaka kuwa na uwezo wakutunisha sana misuli yako utalazimika kunyanyua jimu zito kuliko lile ambalo umelizoea kwa sababu kwa kadri unapozidi kunyanyua nzito zaidi ndivyo unavyozidi kuongeza ukakamavu wa misuli yako

Sasa ongeza uwezo wako

·         Soma sana vitabu

·         Fanya mazoezi sana ya viungo

·         Fanya mazozi ya kupiga chombo cha muziki ukipendacho

·         Fanya mazoezi ya kufundisha

·         Jiendeleze sana kiujuzi

Unapofanya mambo haya yatakusaidia kuweza kuvunja mipaka katika kila kitu unachokifanya.

Usikose kuendelea kufuatilia masomo haya kutoka

ONLINE GOSPEL SERMONS[OGS]

+255621029725/+255677904755.

OGS WHATSAP,YOU TUBE,INSTAGRAM NA FACEBOOK