KANUNI ZA KIVITA!-BATTLE PRINCIPLES!

KANUNI ZA KIVITA!

Na Mwal.Chavala PM Ezekia.

Vita inapokuwa inaendelea huwa kuna kanuni na masharti ambayo muhusika [wahusika wa hiyo vita watatakiwa kuyafuata.

Tofauti na hivyo utajikuta umekosea masharti na hatimaye ukauawa kabla hata vita yenyewe haijachanganya na kuwa kali

Unaweza ukafa kizembe sana vitani tena bila hata kujitetea kwa sababu tu umekosea masharti madogo madogo.

     KANUNI YA KWANZA.

         USIFANYE KITU CHOCHOTE BILA KUELEKEZWA

Waliotengeneza muundo wa uwepo wa makamanda au viongozi wa kijeshi walikuwa na maana kubwa sana ,maana walitambua kuwa ,asipokuwepo kiongozi hawa wapambanaji wanaweza kujikuta wanapigwa bila utaratibu wowote.

Sasa usipofuata maelekezo utajikuta unaenda kinyume na wenzako na ukawa hatarini kuuawa .

Mfano.

Kama kamanda atawambia retreat halafu wewe ukaendelea mbele kupambana utakuwa peke yako na hapo utapigwa kisawa sawa

Hata ki Biblia bado hali kama hii inaweza ikakufanya ukakosana na watu kwa sababu umefanya kitu ambacho Mungu hajakuagiza ufanye

Matendo ya mitume 7;22-27

Hapa utakutana na Musa kabla hajapewa kazi rasmi na Mungu alijifanya anaanza kuwaokoa ndugu zake wa kiebrania waliokuwa wanapigana,na kuna sehemu alimuua kabisa Yule mmisri aliyekuwa anamtesa mwebrania,hii ilikuwa hasira ya Kimungu ndani yake,lakini hakuwa tayari amepewa maelekezo ya kufanya vile ,kwahiyo matokeo yake wale waebrania wakamsema na kumchukia

Angalia mstari wa 27

Hata kama kitu unachokifanya ni kizuri lakini nkama usipofuata maelekezo ukajifanyia mwenyewe kwa kiherehere chako utaishia kuonekana mbaya hata kama lengo lako lilikuwa ni jema

         KANUNI YA PILI!

          USISEME KITU KAMA HUJAPEWA RUKSA YA KUSEMA

Kuna watu tunasema ni vipele[yaani wanapenda kuropoka ropoka sana

Hata kitu kidogo tu kimetokea katika maisha yao watatamani kumueleza kila mtu

Inawezekana kabisa lengo lao likawa ni jema kabisa ,lakini je ni lazima useme?

Kuna maeneo katika maisha umejikuta unaongeza idadi ya maadui zako ,sio kwa sababu hawakupendi hapana ,ila kwa sababu wewe umetangaza na kusema mambo Fulani hususani yanayo kuhusu hata wewe mwenyewe

Kuna dogo mmoja anaitwa Yusufu katika Biblia,alichukiwa sana na ndugu zake [kaka zake ]kwa sababu ya tabia ya kujitangaza tangaza kila hatua anayoipitia

Angalia

MWANZO 37;5

‘‘Yusufu akaota ndoto,akawapa ndugu zake habari,nao wakazidi kumchukia’’

Unapokuwa na maono Fulani usipende kumtangazia kila mtu,wakati mwingine unasababisha vita yako ya kuyapata maono hayo ikawa kali zaidi kwa sababu ya ule upinzani utakaokutana nao kutokana na watu wenye wivu dhidi yako.

FAIDA ZA KINYAMAZA! HATA KAMA UNAVYO VYA KUSEMA

·         Utapunguza idadi ya maadui wanaokuonea wivu

·         Utamchanganya adui yako asijue mipango yako ya kivita

·         Utamfanya adui yako akose mbinu ya kukushambulia[comfussion of your enermy]

KUWA MKIMYA KAMA SIO LAZIMA USEME

MIMI NINGECHAGUA KUNYAMAZA ..WEWE JE?

Endelea kufuatilia Online Gospel Sermons articles

Pia fuatilia Facebook page yetu[GOSPEL SERMON MINISTRIES]

Instagram/Ezekia _Chavala

Call us today

+255621029725